Heimagert og hollt kókosnammi

Dökkt súkkulaði, kókos og enginn sykur!!! Ef þú elskar súkkulaði og kókos þá er þetta uppskriftin  fyrir þig. Þessi kemur úr uppskriftarflokki hráfæðisins og er hreint delissíjús. Það er sífellt að aukast hjá mér baksturinn úr þessum flokki og ótrúlega margar spennandi uppskriftir sem þaðan koma. Kosturinn við eftirréttina og kökurnar úr hráfæðiflokknum  fyrir utan góða næringu er það er svo ótrúlega fljótlegt og einfalt að henda í eins og eina köku og á allra færi. Það er frábært að eiga þessar í kæli eða frysti og narta í á dögum þegar að löngunin í eitthvað sætt er gjörsamlega að drepa mann. Eigum við svo að ræða hvað þetta er sjúúúúklega gott!

Kókosnammið
4 bollar kókosmjöl
1/2 bolli kókosolía, í fljótandi formi
4 msk agave sýróp

Súkkulaðiðhúðun
1 1/2 bolli 70% súkkulaði
1 tsk vanilludropar
1 msk kókosolía

Aðferð

  1. Blandið kókosmjöli, kókosolíu og agavesýrópi í matvinnsluvél og blandið saman í um 2 mínútur. Athugið að hér er mikilvægt að olían sé í fljótandi formi annars blandast þetta ekki saman. Hnoðið með höndunum og þrýstið í form (t.d. stórt brauðform) með smjörpappír. Látið í kæli eða frysti og geymið þar til kókosmassinn er orðinn þéttur.
  2. Látið  súkkulaðið, vanilludropana og kókosolíu í pott og bræðið við lágan hita.
  3. Skerið kókosmassann í bita og dýfið í súkkulaðið.
  4. Já ég veit..dásamlegt!

5 comments

  1. Bakvísun: 10 vinsælustu uppskriftir ársins 2012 | GulurRauðurGrænn&salt

  2. Kristín

    Það er samt eitt Agave er sykur bara í fljótandi formi (ég veit formlega er þetta ekki hvítur sykur en 4 mtsk. er soldil mikil sæta sem hækkar blóðsykurinn ansi mikið). Hefurðu prófað sleppa Agave? Er kókosið ekki nógu sætt með kókosolíunni? Æi kannski ég prufi bara 😉

  3. Tinna

    Agave er sykur. Magnað hvað fólk talar oft um sykurlaust en svo er yfirleitt hunang eða agave í uppskriftinni sem er hvorutveggja sykur.
    Annars hljómar uppskriftin mjög vel 😉

    • Vá Tinna gæti ekki verið meira sammála þér. Trúi ekki að ég hafi skrifað þetta!
      Þetta átti reynda að vera enginn hvítur sykur. En bottom linið er að þetta er auðvitað nammi og það sjúklega gott..en jú með agave.
      kv
      Berglind

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: