Ég hef lengi velt því fyrir mér hvort það sé hægt að gera súkkulaðiköku úr hráfæðulínunni sem er alveg jafn himnesk og þær sem við eigum að venjast. Í dag fékk ég svarið, ójáháá það er sko hægt. Þessi súkkulaðikaka sannar það enda er hún hreint út sagt dásamleg á bragðið og það besta er að hún er meinholl.
Með kökunni er uppskrift að hollu en ólýsanlega góðu hráfæði súkkulaðikremi. Einfaldari og fljótlegri í framkvæmd verður kökuuppskrift ekki og athugið hana þarf ekkert að baka!! Þessa verðið þið að prufa og munið að látið mig vita hvernig ykkur líkaði.
Yndisleg súkkulaðikaka
Hráfæði súkkulaðikakan
1 1/2 bolli valhnetur
1 1/2 bolli pekanhnetur
1 1/2 bolli döðlur,steinalausar
1 1/2 bolli rúsínur
6 msk kakó
2 tsk vanilludropar
Aðferð
- Látið allar hneturnar í matvinnsluvél og blandið vel saman eða þar til þetta er orðið eins og gróft mjöl.
- Bætið afgangi af hráefnunum í blandarann og blandið þar til þetta er orðið að deigkúlu með engum stórum bitum í.
- Mótið kökuna.
- Gerið seiðandi súkkulaðikremið.
Seiðandi súkkulaðikrem
1 bolli döðlur,steinalausar
1/4 bolli kakó
1/4 bolli kókosolía
3/4 bolli vatn
Aðferð
- Látið öll hráefnin í blandarann.
- Blandið saman á lágum styrk í upphafi en stillið svo á hæðsta styrk í dágóða stund. Það er gott að slökkva á honum og skafa með sleif meðfram hliðunum og halda síðan áfram.
- Seiðandi súkkulaðikremið er tilbúið þegar að engir bitar eru eftir af döðlunum.
- Hellið yfir kökuna og berið fram með t.d. rjóma eða ís.
Er kakan ekkert bökuð?
Nei ekkert..algjör snilld! Tekur 15 mínútur í undirbúningi og frábær á bragðið.
Geggjað 😉
þetta er ein mestar snilldar kaka sem ég hef nokkurn tíman gert og smakkað!
Æji en gaman að heyra og já ég er sammála 🙂
það er ekki bara kakan sem er örugglega góð heldur eru myndirnar eru svo djúsí og flottar hjá þér , að nú verð ég að fara að baka. !
Takk fyrir það Edda
Hvað er 1 1/2 bolli af döðlum og hnetunum ca mörg grömm svo maður sé ekki að kaupa of mikið af þessu því þetta er frekar dýrt hráefni 🙂
Ég notaði um 170 g af hvorri hnetutegund fyrir sig. Notaði svo um 230-250 g af döðlum og svo aðeins meira í kremið.
Þetta er náttúrulega bara nammi gott!!!
hvað eru margar hitaeiningar í einni köku?
Sælar Ástrós,
Satt best að segja hef ég ekki hugmynd..en góð er hún!
Kveðja,
Berglind
Alveg frábært kaka! Sú besta sem ég held ég hafi smakkað ásamt karamellukökunni! Takk kærlega fyrir frábæra síðu 🙂
Algjör snilldarkaka! – takk fyrir mig 🙂
Gaman að heyra Fjóla, takk fyrir að láta mig vita 🙂
Ég á eftir að prófa að gera þessa og hlakka ekkert smá til að smakka. Hvað geymist hún lengi í ísskáp og er í lagi að frysta hana ?
🙂
Ég hef átt þessa í kæli í allt að viku og hún hélst mjúk og góð þann tíma.
fyrsta hrákakan sem ég bý til og líka fyrsta hrákakan sem ég smakka. Hún er svo góð að það er afar erfitt að trúa því að hún sé svona holl !
Snilld að heyra Hrund 🙂
Kveðja
Berglind
Sæl
Ég var að velta fyrir mér með döðlurnar, notar þú þessar sem fást í pokum í bökunarhillum eins og t.d. frá hagver eða þessar fersku sem eru oft í grænmetis/ávaxta kælunum í matvöruverslunum? 🙂
Hæ hæ Jenný, það er bara misjafnt. Skiptir kannski ekki öllu, en þessar mjúku eru náttúrulega voðalega gómsætar. Bara hafa þær steinlausar!
Berglind