Himneskar bollarkökur með vanillu og sykurpúðakremi

Ég ákvað að taka þetta afmælisdæmi alla leið. Kannski spilaði það inn í að mig langaði í köku, mögulega, en mér tókst að minnsta kosti auðveldlega að sannfæra mig um að það væri ekkert afmæli án köku og gerði því þessar einföldu, æðislegu og ómótstæðilegu bollakökur. Þær eru svo bragðgóðar að ég get ekki hætt að laumast í eldhúsið og fá mér eina..tvær..þrjár…fjó..vúps!

Þetta er í fyrsta sinn sem ég geri bollakökur og það kom mér bara á óvart hversu einfalt þetta var. Ég fjárfesti meira að segja í sprautupoka (mjög fullorðins) til að gera svona extra fancy krúsídúllur sem tókust svo vel að ég tímdi varla að borða þær (not). Ég vildi óska að þið gætuð komið í smakk til mín en það er góð hugmynd fyrir næsta afmæli 😉

Þakka allar kveðjurnar í dag – höldum áfram saman og höfum það gaman! Love Berglind xxxx

2013-09-18 19.25.12 2013-09-18 19.28.59 2013-09-18 19.30.00 2013-09-18 19.30.48

2013-09-18 19.28.59Bjútífúl bollakökur með vanillubragði
200 g smjör, við stofuhita
3 dl sykur
4 egg við stofuhita
7 dl hveiti
2 tsk lyftiduft
500 ml rjómi
2 tsk vanilludropar

  1. Blandið saman smjör og sykur þar til blandan er orðin létt og ljós. Þetta tekur um 5 mínútur.
  2. Bætið eggjum út í, einu í einu og hrærið áfram í nokkrar mínútur.
  3. Látið hveiti og lyftiduft saman í skál og sigtið 3 sinnum.
  4. Látið síðan hveitið, rjómann og vanilludropana í eggjablönduna og hrærið stuttlega.
  5. Látið kökurnar í muffinsform 1 kúfuð msk í hvert form.
  6. Bakið við 200°c heitan ofn í um 20-25 mínútur.
  7. Leyfið þeim að kólna lítillega áður en þið látið kremið á.

Sykurpúðakrem
3 eggjahvítur
1/2 tsk sítrónusafi
340 g sykur
65 ml vatn
2 tsk vanilludropar

  1. Látið eggjahvítur og sítrónusafa í tandurhreina og þurra hrærivélaskál og geymið (ekki byrja að hræra strax).
  2. Látið sykurinn, vatn og vanilludropa á pönnu og hrærið saman. Hitið síðan blönduna þar til hún hefur náð 120°c (nota kjöthitamæli). Þegar því er náð byrjið að hræra eggjahvíturnar á hæsta styrk. Þegar þær eru byrjaðar að freyða hellið þá fljótandi sykrinum smátt og smátt út í. Athugið að það er fátt verra en að fá heitan sykur á sig, farið varlega, látið heimilismenn vita að halda sér frá og passið að börn séu hvergi nálægt. Hrærið í 5 mínútur.
  3. Nú ætti blandan að vera orðin stíf og þykk. Sprautið á bollakökurnar.

11 comments

  1. Sandra

    Girnó! Þegar sykurblandan hefur náð 120gráðum, slekkuru þá undir á meðan þú þeytir eggjahvíturnar?

    • Þegar sykurblandan hefur náð 120 gráðum byrja ég að hræra í um 1 mínútu eða þar til þær eru farnar að freyða (ekki samt tilbúnar) þá byrja ég að hella smátt og smátt.

  2. Björg

    Langar mjög mikið að prófa þessar. Eru þetta svona litlar kökur, er að spá hvernig form ég á að kaupa?!

  3. sara

    Ótrúlaga góðar, prufaði líka að baka afmæliskökuna sem þú ert með á síðunni þinni og setti sykurpúðakremið á hana. Það var geðveikt

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: